نبض مصر الحرة نبض الشارع لحظة بلحظة
كتب هانى ناصف
مصر كلها ينقصها عدة مراكز
١- قلبي دفاع محترمين
٢- وسط مدافع بالطريقة الجديده
٣- باك شمال
٤- حراسة مرمي ( الشناوي بس اللي علي الساحه ولكن لاعب مودي وفاقد الثقه في نفسه ويحتاج شوية تظبيط)
٥- المهاجم الصريح وان كنت ممكن تعتمد علي حد متحرك ومهمة احراز الأهداف تسيبها للوسط المهاجم
نيجي للزمالك:- اصبح اكثر الفرق تكاملا مع استمرار ضعف الدفاع والحاجه الي تطوير آداء علاء والونش وتطوير سرعة علي جبر وتطوير الدفاع بصفه عامة بالضغط من بداية منطقة ال ١٨
ثلاثي هجومي اكثر من رائع :- كاسونجو وَعَبَد الله ومدبولي
حازم امام بيطور نفسه وممكن يكون أفضل واحد مصري في المكان ده لو المدرب اشتغل عليه فردي
روقه لاعب كويس بس لسه مفيش اختبار حقيقي
مؤيد لاعب عادي حتي الان وتظل الجبهه اليسري صداع الا لو المدرب دور علي بديل او طور طريقة اللعب او مؤيد طلع كويس
الضغط العالي واسترجاع الكره بسرعه وسرعة نقل الهجمه حاجه مش بنشوفها كتير غير مع الزمالك والمصري حاليا
تظل اللياقه وسرعة اللعب من وجهة نظري اهم عنصرين لنجاح فريق وهو موجود حاليا مع الزمالك
المدرب ده حكايه لوحده ويجيد استغلال القماشه اللي موجوده غير انه الروح اللي موجوده في الفريق هو السبب فيها ودي حاجه غائبة من زمان
العدالة اللي المدرب بيعملها بتخلي اللاعيبه تموت نفسها علشان تلعب
