امير العمده يكتب شريعه الشيطان

بقلم

امير العمده

امس نزفت دماء 235 مصلى راكع وساجد لله….واللى قتلوهم بدل ما يصلوا رفعوا السلاح لقتل آمنين فى بيت من بيوت الله ….235 نفس مؤمنه ولا أدل على إيمانهم أكتر من نيلهم الشهادة وهم طاهرين وفى نيتهم الصلاة….واللى روعوهم وقتلوهم ما صدقوش حديث رسول صلى الله عليه وسلم (( لهدم الكعبه أهون عند الله من سفك دم المسلم)) لكن إنا مصدقين..يعنى الدم اللى حرمه الله ورسوله هم استباحوه وفى بيت من بيوت الله……منكم لله….روعتونا وأرهبتونا وكفرتونا…….قد كده مصر حرقاكم وواقفه حارس للمنطقه ضد مطامعكم…..من كام يوم شفنا واحد نصاب مربى دقنه من ليبيا وجاى هو وشوية كلاب عشان يقيموا خلافة أردوجان وأصدقائه اليهود على دماء المصريين طيب ما تقيم الخلافه فى بلدك ليبيا اللى اتحالفتم مع الغرب واسرائيل وقطر وتركيا لخرابها وتدميرها وبقت خرابه بفضلك انت وزمايلك بتوع الخلافه…..أليس أولى بالخلافه إقامتها فى دولة كافرة ونشر الاسلام فيها …..أليس أولى بجهادكم القدس الشريف……أليس أولى بجاهدكم المأجور والعميل دول الغرب اللى بتمدكم بالمال والسلاح…..هو ليه اسرائيل بقت أمان أوى كده من يوم ما ظهرتم……هو ليه كل ما تدخلو بلد وتزعموا انكم معارضه اسلاميه معتدلة وبتدعو ا للإصلاح وإقامة دولة الخلافه البلد دى تتخرب على إيديكم ……هو انتو ليه منفعتوش فى أى حاجه غير القتل والتدمير والاغتيال وهدم الأوطان…..ظهرتم فى غزة على شكل حماس فانتهت القضيه الفلسطينيه…..ظهرتم فى أفغانستان على شكل مجاهدين دعينا ليكم بالنصر على السوفيت طلعتم امراء حرب وتجار أفيون ومخدرات ودمرتم أفغانستان……ظهرتم فى الصومال باسم شباب الجماعه الاسلاميه فضاعت الصومال وبقت بلد مجاعات…..ظهرتم فى العراق وسوريا باسم داعش وجبهة النصر خربتم البلدين ودمرتوهم و سرقتم بترولهم واعطيتوه للراعى الرسمى للارهاب أردوجان يبيعه وبفلوس البترول المسرق بتشترو سلاح ما بيتوجهش غير لكل ما هو عربى سواء مسلم أو مسيحى……لكن الشيعه واليهود فأنتم حبايب ومصلحتكم واحدة….دمرتم معظم دول العالم العربى القويه اللى تقدر تحارب إسرائيل….ومفضلش غير مصر اللى حاصرتكم زى الفيران وبعد ما فشلتم فى استهداف الجيش والشرطه والكنايس….مفضلش قدامكم غير الجوامع وده دليل ضعفكم وانكم بتنتهوا ونهايتكم قربت……سيادة الرئيس أرجوك انقل البدو ناحية ليبيا طالما بيحبو الصحرا أوى ابعدهم عن اليهود والفلسطينين واستخدم القوة المفرطه واهدم وفجر وفتش بيوت البدو على مدار اليوم وأى وجه غريب الجيش يضرب فى المليان وانشر المخابرات والمباحث فى كل بيت وشبر فى سينا والعريش.. .وكون فرق اغتيالات واعلن الحرب على الدول اللى بتحاربنا وبتدعم الإرهابيين وهدد مصالحهم واحنا وراك……لازم يعرفوا ان الدم المصرى اللى نزف وبينزف هيفضل لعنه تلاحقهم ليوم القيامه