نبض مصر الحرة نبض الشارع لحظة بلحظة
شوف بقى احنا ف مجتمع معكوس وغريب الاطوار الفن الهابط فيه هو اللي بيعمل فلوس وعلاقات ومراكز اجتماعيه
لما تشوف محمد رمضان بيعمل اللي بيعمله وبيغني شبه عريان وبيرمي الفلوس عل الأرض وف الهوا راكب طياره خاصه
لما تشوف حمو بيكا اللي بيغني “شقلطوني في بحر بيرة” بياخد سيف ذهب هدية من أسرة سعودية .
لما تشوف عمر كمال اللي بيغني “وأشرب خمور وحشيش” بياخد عربية بنتلي هدية في السعودية.
واكبر قناة وبرنامج توك شو في الوطن العربي بيستضيف ويحتفي لواحد كل إنجازه في الحياة أنه عمل أغنية من كلمة واحدة بينادي فيها على بطة!
واكبر شركة اتصالات في مصر بتتعاقد مع سرسجي بنص مليون جنيه عشان تاخد كول تون تافه وسافل بصوته بعد ما الشعب حوله ترند وخلي القنوات تستضيفه.
هتقدر تقنع ابنك وبنتك إزاي ان الاحترام والاجتهاد والتعليم هما سبيل النجاح او الوصول لمكانة اجتماعية مرموقة وتزرع فيه القيم والمبادئ أزاي وهو بيشوف ان التخلي عنها هو سبيل سهل جدا للوصول للمجد والشهرة والثروة؟
هيجيلك انت شغف منين تكمل في السكة اللي مشيت فيها وفاكر أنها اللي هتوصلك لحلمك وانت شايف ان المقاييس اتغيرت واللي أنت بتعمله ده كله نفخ في قربة مخرومة وحاجات عفا عليها الزمن. هتهرب أزاي من فتنة أنك تغير جلدك وتستسهل الطريق عشان ترضي طموحك.
هتقدر تقنع ابنك ازاي انه يكمل ويبقي حاجه حلوه غ المجتمع ورجل العلم بيتقاضي ملاليم وف واحد مبيعرفش يفك الخط عمل من اللهث ملايين
