نبض مصر الحرة نبض الشارع لحظة بلحظة
بقلم : بسمه الريس
أبدأ سطوري ب البسمله
وال أقواس واسم المرسل: هو “أنا”.
والمرسل اليه: “مجهول”
.. مجهول أو “هي” ..
المهم ف بداية القول
“وحشتيني”
وحشتيني والشوق اللي
جيالك بيه
ظاهره خيابتي ف إني
أظهروهولك ك عادتي
اللي انتي عارفاها
طب يا تري لسه فاكراها؟
كنت بداري شوقي ف عيني م قصاد عينك
واخبي كل الكلام الحلو اللي ليكي ف جوفي..
وأكتبلك كتير منه ب حروفي..
واكتبلك*بحبك” يا أحلي صاحبه.
بس أعذريني
إني ف الحب جاهله
مبعرفش اقول إني بحب واتمعشق
فَ قدري ظروفي.
مزيكا حزينه بتبكي ف الخلفيه
وصداع نصفي ف دماغي
والدمعه اللي نازله ع صداغي
وصورك اللي محفوظه ع جهازي
واحلف ل قلبي ب إنك رجعالي
وضحكههم هم الساخر عليا وع اصراري
ب إنك تايهه م غيري
ك توهتي ف وسط البنات
ملقياش غيه تشبهني
ولا حضن تباتي فيه
كما ف حضني م قبل بِتّي و كنتي
ولكنك برده لسه سايبه خانة الرد فاضي
ومتجاهله جوابي.
و ك إنك يعني بتعقابيني لما سيبتك او بتردهالي.
مهم سيبيني احكي وياكي شويه سيبيني
وسيبي الشوق اللي جوايا
يطرحلك ورد تشميه وانسيلي.
انسيلي بُعدي عنك اما فوتك وحدك وعديلي..
عديلي كام صاحبه عرفتها م بعدك
وعديلي كام حضن دوقته
وما لقيته بيشبهلك وارجعيلي..
فصله أو نقط او شرطه
مش مهم تجميل الجواب
المهم تجميلي م جوه
ف انك ترجعيلي وب قوة
و ده الأهم..
و صحيح بعدي عنك كان غلطه بس صدقيني
م بعد ما قفلت وراكي الباب ما صابنييش ولا شيء يشجيني
ولا نولت غير الهم.. ف مش مهم
أمشي ع حسب النص.
و م إمتي كان ما بينا قواعد و نصوص
م امتي كان كلامنا ع قد ومدروس
م امتي الضحكه ما بينا كات بحساب
اقولك ع شيء ولا تقوليش ع لساني كداب؟!
م يوم ما فارقتك وانا فقدت قدرتي الحِس
وبروح ع كل الصحاب ما لقيت
فيهم نُصّي اللي يشبه نُصِك ب النَصْ.
