نبض مصر الحرة نبض الشارع لحظة بلحظة
كتبت اسماء صابر
هى …..سيدة متزوجه وجميله
صديقتها……سيدة جميلة برضوا الحاله الاجتماعية منفصله او بنت المهم انها مش متجوزه
هى…..بتحب صاحبتها جدا جدا جدا وبتثق فيها ثقة عمياء
صديقتها…….. بتكلمها انما محدش يعرف اللى فى القلوب غير ربنا
هى …..اسم الله عليها انصح اخواتها
بتحكى لصاحبتها كل حاجه تخصها
هى…….بتوصف حياتها اليوميه ليها
هى……حتى علاقتها بجوزها
جوزى كريم بيحبنى بيجيب كذا وكذا وبيحب ولاده
طبعا صاحبتها …..مستمعه جيدة وبتفكر وبتشغل دماغها
هى…….بتتكلم فى ادق تفاصيل حياتها
جوزى مهتم بيا بيحبنى بيتمنى لى الرضا ارضا
طبعا صاحبتها …….. ابتدت تتعلق بجوزها
هى بتحكى…..اصلها صاحبتها واكتر من اختها
جوزى حنين عليا والراجل الحنين رزق
فجأة جوزها …..ابتدا يتغير
فجأة جوزها …..ابتدا يهملها
هى …..ابتدت تشتكى من جوزها
طبعا ماهى الهبلة ماتعرفش انها بدون ماتشعر قربت صاحبتها من جوزها
الهبلة اديتها سلاح تحاربها بيه
ادق تفاصيل حياتها بيحب ايه بيكره ايه بيعجبه فيا ايه بيكره فيا ايه
طبعا الصديقه الوفيه…….ابتدت تشتغل على نقط الضعف
وطبعا الزوج لقى اللى مش لقيه مع مراته
بالرغم من الحب اللى كان بينهم بس اهو
الراجل بيحب التغير
وسيادتك وصلتيه لانه لازم يغير
.
.
.
.
.
رائى انا اللى ممكن مايكونش ليه لازمه
ياستى حافظى على بيتك ماتدخليش حد حياتك
الضربة مابتجيش غير من اقرب الناس ليكى الناس اللى بتثقى فيهم
بلاش نتكلم على علاقاتنا ببعض بلاش ندى سلاح للى ادمنا يحاربنا بيه
انتى بتتعاملى بما يرضى الله بس نصيحه منى ده عبط
فوقى ياهطله جوزك خلاص بح
اتقوا الله وراعوا ربنا
