نبض مصر الحرة نبض الشارع لحظة بلحظة
كتبت // سماح رضا
وجه حلمي رسالة لجمهورة مفادها أن هناك من ينتحل اسمه وصفته وينشئ حسابات مزيفة عبر مواقع التواصل الاجتماعي تحمل اسمه، ويوجه تصريحات خاطئة ويفتعل مشاكل مع الجمهور.
وقال حلمي في بيان نشره عبر صفحته الرسمية مساء أمس “مساء الخير عليكوا جميعا،أنا طالب منكم خدمة، ودي أول مره أطلب فيها خدمة منكم، أنا هاقول لكم إيه الموضوع ، في بعض الأصدقاء والصحفيين الأعزاء كلموني وقالوا لي إن في حسابات كتير منتحلة شخصيتي، وحاطين صورتي واسمي، وطلبوا مني أرد عليهم لأنهم بيتكلموا بلساني والناس بتصدق، وبعض الناس بتشتم من غير حتى ما يتأكدوا إذا كانت الحسابات دي بتاعتي فعلا ولا لأ، المهم إنهم طلبوا مني أرد وأوضح الصورة، فأنا لقيت نفسي بقولهم جملة قولتها قبل كده في أحد مشاهد فيلم (ألف مبروك) قلت لهم (والله ما أنا رادد)..فضحكوا“.
وتابع حلمي في رسالته “علشان كده أرجوكم أي حد يقابل في وشه أي حساب يحمل اسمي أو صورتي، ياريت يتأكد أنه حقيقي قبل ما يتعامل معاه، وللعلم أنا معنديش حسابات خالص مش مؤكدة، كلها مؤكدة بعلامة الصح الزرقاء“.
وطلب أحمد حلمي من جمهوره الطلب التالي “الخدمة بقى اللي أنا طالبها منكم، إن أي حد يشوف أي حساب منتحل اسمي وصورتي على فيسبوك أو تويتر أو انستجرام، أنه (يعمل معاه الصح) وطبعا الصح اللي أنا أقصده أنه ينصحه ويقوله (كده كخه)”.
كان حلمي قد تعرض على مدار الأيام الماضية لانتقادات بسبب تصريحات منسوبة إليه من خلال حسابات مزيفة تحمل اسمه على مواقع التواصل الاجتماعي، وهو الأمر الذي نفاه حلمي تمامًا من خلال صفحته الرسمية. ووجه الشكر لجمهوره في ختام الرسالة.
