نبض مصر الحرة نبض الشارع لحظة بلحظة
كتب : محمد الفناجيلي
من خلال تجربتي في مجال التسويق والمبيعات وإدارة الأعمال وعملي في أكبر الشركات المحلية والعالمية وتدرج السلم الوظيفي من أقل وظيفة لأعلي وظيفة وفشلي المتكرر لأسباب مختلفة في شركتي الخاصة ، هاتكون دي نصيحتي لأي شخص عايز يكون محترف :
١- حدد هدفك حتي لو كنت شايف انة مستحيل يتحقق .
٢- نظم وقتك ومواعيدك الشخصية وحدد وقت الشغل وخلية مقدس .
٣- دايماً أبحث عن العلوم الجديدة في مجالك وافهمها كويس .
٤- أتعلم انك تسمع أكتر ماتتكلم .
٥- ماتوعدش حد بحاجة مش هاتقدر تعملها .
٦- ماتديش ميعاد غير لما تكون واثق انك هاتلتزم بية .
٧- التخطيط والتحليل لازم يكون بشكل مستمر ومتطور .
٨- أتعلم انك تكتب كل أفكارك بشكل منظم .
٩- لما حد يطلب منك مساعدة أو انك تعلمة حاجة أعمل كدة فوراً.
١٠- ماتقبلش انك تاخد قيمة قليلة في شغل قيمة عالية .
١١- رحب دايماً بالنقد الشخصي والعملي وحلل الكلام كويس .
١٢- خليك دايماً علي تواصل مع زملائك في العمل .
١٣- خليك صريح وأمنع النفاق لأي سبب .
١٤- ماتسرقش أفكار دايماً خليك مبدع .
١٥- أتعلم أزاي تقدم نفسك وتقدم شغلك بشكل أحترافي .
١٦- التواضع مش بس صفة حميدة لا دة كمان صفة احترافية.
١٧- الغرور بداية الفشل .
١٨- لو فشلت كتير دي بداية النجاح لان الفشل دة اسمة خبرة .
١٩- هاتلاقي ناس كتير بتجيبلك إحباط أبعد عنهم .
٢٠- وأخيراً راعي ربنا في كل شغلك وتوكل علي ربنا من قلبك .
وفية حاجات تانية كتير بس دول أهم ٢٠ حاجة
