يوميات زوج وزوجه

كتبت اسماء صابر
هو …وهى
هى …..شابة وجميلة
هو…..شاب ممشوق القوام
هو ….ااتجوزها بعد حب عنيف
هى…..بصة لروحها وقمرايه
بعد سنه خلفوا
هى ……التفتت لطفلها ولبيتها
هو……شغله كل وقته وبيته
هى ….ابتدت تتخن واهملت فى نفسها
هو …. الشغل وبيرجع البيت ماورهوش غير التليفزيون او القهوة مع صحابه
هى…… مابقيتش شايفه غير بيتها وولادها وبس نسيت نفسها
هو …..ابتدا يقارن بينها وبين اللى بيشوفهم
وفى نفس الوقت الاستاذ بقى مكعبر ومكرش
وهى….. انبوبه ماشيه على الارض
كورة عاوزة اللى يشوطها
هو…..بيعيب عليها
هى ……بتدايق منه
انتم الاتنين زفت
انتى….. مهملة فى نفسك والمفروض تبقى حلوة لنفسك ولجوزك
هو…..بدل مابتعيب اهتم بنفسك زى الاول وبطل وخف الكرش ده
يا استاذ ويا استاذة
بدل ما بتندبوا اتفقوا وعيشوا سوا واللى مش عاجبه حاجه فى التانى يغيرها
بلاش الكره والكلام اللى يحرق الدم
عيشوا مع بعض علشان بعض مش علشان سبب
اهتمى بروحك لروحك
وانت ماتبخسهاش حقها
ارفتونا……..