يوميات فى كل بيت. حكايات زوجية

كتبت اسماء صابر
هو وهى …..
هى…. مخطوبه له وبتحبه حب شديدجدا لدرجة انه كان بيتحكم فيها وفى كل تصرفاتها وبتسمع كلامه اكتر مابتسمع كلام ابوها وامها
هى…..كانت بتعمل كل حاجه علشان ترضيه لدرجه انها بتحاول تقرب من اهله علشانه ونجحت انهم يحبوها
هى ….ضحت كتير علشان خاطره قعدت من شغلها اول جوازهم ارضا ليه وعلشان بيتها كان كل حاجه يقولها تنفذها بدون تفكير وحتى لما رجعت شغلها تانى كان بيتدخل فى كل تفاصيل شغلها تعمل ايه تكلم مين وهى بدون نقاش تنفذ فلوسها وفلوسه واحد عمرها ماحست بالفرق المهم انها تراضيه وبس !!
هى قررت تريحه وتقعد علشان هو يبقى مبسوط
وبعد ما قعدت اكتشفت انه بيعمل شات وبيحب واحده تانيه
واجهته …..
هو…. اعتزر وقررانه يخلى باله منها
هى….. رجعت شغلها اصل ده امانها وكيانه فقدت معاه الامان
هى بقت عصبيه جدا بعد السلام النفسى والامان خلاص مابقيتش زي الاول
هو…..بيعمل اللى يرضيها بس للاسف بعد فوات الاوان
هى….مارجعتش تانى زى الاول
هو ……اتغير وبيحاول يعمل كل اللى يريحها
هى…. قررت تنفصل عنه خلاص مابقاش فى حب ولا احترام
هو…. عاوزها ترجع زى ماكانت بس خلاص هى قررت
هو…..رافض بيحبها وعاوزها
هى…. على موقفها
هو ….بيقول ان الشعل السبب فى اللى وصلوا له
مابيقولش انه هو اللى ضيعها من ايده
هو …..انا بحبها كانت بتسمع كلامى انا عاوز مراتى ست البيت اللى كانت بتيجى على روحا علشانى مش عاوز راجل ريه زيى
((عاوز انثى))
ونحط تحت انثى دى مليون خط
.
.
.
.

رايئ انا بقى المتواضع اللى ممكنمايكونش ليه لزوم
الوضع اتغير
كنت فين منها من تضحيتها بكل حاجه
بتدوس على كرامتها علشانك بتهتم بيك وباهلك اكتر من اهلها عاوزه راحتك وكانت حاسه بالامان
كنت فين لما عرفت واحده عليها هى فقدت الامان معاك
فين المودة والرحمه
قبل ماتقول عاوز انثى.انت كنت فين منها وهى بتتمنى لك الرضا ترضى

بدل ماتقول عاوز انثى الكلام يتبدل
قول انتى الست الوحيدة اللى تملى عليا حياتى انتى ام ولادى الدنيا هاتبقى وحشه من غير وجودك فيها وجودك فارق معايا انتى دنيتى
من الاخر…..اهتموا قبل فوات الاوان
الزواج مودة ورحمة ورباط مقدس
خلى بالك قبل الطرف التانى مايتكسر بلاش تخسروة حياتكم علشان نزوات مش اكتر