نبض مصر الحرة نبض الشارع لحظة بلحظة
وبرغم القهوه ومرراتها شايفنها مزاج
وبرغم المانجا وحلاوتها اصلها آملاح
مين فينا معاه آصل المفتاح / طب مين إرتاح
مين فينا اتغلب عالمكتوب
مين فينا صحيفته ما فيها ذنوب
مين فينا محافظ علي سره من كل الناس
مين فينا الماضي ما بيذله بحاجات تنداس
مين فينا ماسبش في يوم حبه مع حد آمين
مين فينا دموعه منزلتشي علي فيلم حزين
مين فينا الدنيا بتضحك له من غير حسابات
مين فينا ملوش صاحب غالي وسط بلوكات
مين فينا محسش بالحرقه علي واحد مات
كلنا عندنا ذكري جميله /كلنا عاشقين شكل الالوان
ولكننا ديما بنفضل اللون الإسود والنسيان
نحلم بالحب ويوم ما يجلنا /مانفتحلوش
نحلم بالجنه وفرض الرب / منركعهوش
جوانا تملي تناقض عام /عايزين نرتاح من غير مانام
والراحه في إننا نتصدق /ونأمن ديما بالمبدأ
إن المانجا ضمن الاملاح / وإن الخمره برغم مرارها/ أصلها تفاح
وإن الدنيا مهما اديتنا عمر الانسان ما يكون مرتاح
