نبض مصر الحرة نبض الشارع لحظة بلحظة
كتبت اسماء صابر 
.
رسالة لكل ست مجوزة “اصحى قبل جوزك الصبح بنص ساعة اغسلى وشك وسنانك وسرحى شعرك ونعنشى نفسك كدة عشان تبقى اصطبحتك ذى وشك ✋✋✋✋شغلى القرأن جهزى الفطار الخفيف ماتخلهوش ينزل على لحم بطنة على الصبح كدة اتقى الله فية دى طالع عينة عشان خاطرك 👊👊👊👊👊حضريلة الحمام يعنى غيار والفوطة واملى البانيو لو عندك مافيش بانيو يبقى برحتة بقى ماحدش قالة مايعملش بانيو 😂😂😂😂😂ادخلى بقى صحية واحذرى الصوت العالى بشويش كدة وقوليلة قوم ياحبيبى ياروحى ياعقلي خلي اصطبحتك كدة كلها حنية ماتروحيش تشدى الغطا من علية وتقليلة اصحى بقينا الظهر هاتروح الشغل امته قوووم وتفتحى الشبابيك وتخلى الأوضة نهار فى الوقت دة لو طلقك هيبقى عندة حق وماحدش هيلومة 👍👍👍👍وهوة فى الحمام تكونى مستنياة بالهدوم اللي هيلبسها وتسعدية ومش عيب اما تلبسية الشراب مش بتقللى من نفسك بالعكس انتى بتكبرى فى نظرة اقفى اتفرجى علية كدة وهوة بيسرح اختارى لية البرفان اللى يحطة وتقوليلة كلمة حلوة 👍👍افرديلة سجادة الصلاة والله هاتاخدى ثواب 👍وهو بيصلى بقى تحضرى الفطار حضرى جزمتة ولمعيها افطرى معاه وصلية لحد الباب بوسية طبطبى علية ادعيلة قوليلة هاتوحشنى ماتغبش علية والله هايرتاح نفسيا ويشوف شغلة ببال رايق وهيبقى مالهوف يرجع عشان محتاج حنيتك 👍👍بعد ماينزل بقى انزلى صبحى على اهلة سلمى عليهم بوسى ايديهم وبعد كدة اطلعى ارتاحى وكملى نومك واعملى حسابك تصحى قبل مايجى بوقت مناسب روقى بيتك ورشى معطر ولعى بخور استقبلية بابتسامة حلوة مهما كنتى تعبانة ومهما كان فية مشاكل خبيها لحد مايرتاح 👍حسسية دايما انك قلقانة علية 👍قدمى الاكل بشكل يفتح النفس كدة ذوقية👍 وحطى جنبة عصير 👍اعرفى الوقت المناسب للطلبات وحدود الطلبات على قد امكانياتة ☺☺اوعى تفكرى ان جمالك فى رسمة عيونك والا فى شكلك لالا جمالك فى هدوءك وطيبة قلبك ونضافتك وريحتك ☺☺ركزى بقى فى الجاى لما يزعلك ماترديش كلمة بكلمة عدى فى سرك لحد مايهدى وبعدين بصيلة بلوم👍👍لما تنامو خدى راسة على صدرك واقرى قرآن ودعيلة بصوت هامس بس مسموع ❤لما يزعلك وجة يعتزر ماتسمحلوش انة يعتزر قوليلة متعتزرش بمجرد ماطبطبت عليا قلبى صفالك او ماقدرش ازعل منك ❤طلعى انوثتك ورقتك لزوجك ✋✋وأهم حاجة حافظى على صلاتك وديما شغلى القرأن فى البيت🙊🙊ياريت تسمعوا الكلام بقى وتبطلوا خناق وتدخلوا الشيطان وسطيكم🙊ومن الاخر انتى ام واخت وحبيبة وعشيقة قبل أن تكونى زوجة 👍👍
.
..
.
كل ده حلو اوى والست واجب عليها انها تقوم بيه ولازم تعمله
طب بالنسبة للزوج دورة ايه؟؟؟؟
بلغنى ايها الزوج السعيد ذو الرائ الرشيد والسديد
ان انتم عمالين تتكلموا وتقولوا للست تعمل ايه
ايها الزوج المبوز ولمراتك على طول مكشر ومديها الوش الخشب
وانت دورك ايه يا سيدى
فين منها
المفروض تغسل سنانك ونحط تحت غسيل الاسنان دى مليون خط وخط
فين من راحتها يا قالل راحتها وتاعب قلبها
وهى المفروض تعمل ده كله ومعاهم خدمة ولادكم وشغلها وكمان تبقى الست الفرفوشه اللى دورها ترفه عن زوجها واهل زوجها
حلو والنبى وانت لما تدخل ولاقى حد من قرايبها وتضرب بوز وتنكد عليها وعلى اللى جابوها ولا لما تتشنك عليها هى اللى لازم تمتص غضبك يا سلام وانت لو هى صوتها على شويه تقولها فين يوجعك
الشروط ديه زى مابتطلب من الزوجه مفروض برضوا من الزوج
كرشك.ده نزله شويه…خس اغسل وشك الصبح قوم يوم اجازتك كده وقول لها النهارده هاخرجك..اتنرفزت من الولاد طبطب عليها رجعه من الشغل تعبانه هديها ياعم لقيتها مخنةقه وبتعيط ارقيها واقرا لها قرأن خدها فى حضنك كده وطبطب وحايل
ززى مافى غيرها بتحايلها
ياعمنا مراتك دم ولحم
كون لها حسين فهمى تكون لك ميرفت امين
اهتم بيها زى مابتهتم بالشات مع اللى بتقولك يا بيبيى
ياناس يا هو الست لحم ودم
كل دى طلبات انت وغيرك بتتمناها من ستاتكم
طيب انا ك ست بتمنى منك كل الطلبات دى برضوا
ده رايئ اللى ممكن محدش يسمعه وارجع تانى واقولك اغسل سنانك فى بيوت اتخربت بسبب السنان دى
عطر نفسك اهتم راعى
الحياه بينكم موده ورحمه
حواء اتخلقت من ضلعك علشان تبقى تحت جناحك
مش لازم تكون شهريار
الرجوله مش بالصوت العالى
اقتدوا برسول الله صل الله عليه وسلم
راعوا ربنا
اتقوا الله دى شركه ولازم تنجح علشان ثمارها تطلع سليمه
ودى الخلاصه
